De Sunn' scheint, a trachtigs Gwond und as Bier im Stoakriagl - und a jeda woaß, dass wieda as Lorenzifest is!
De Wongauer Musikanten hobm am 9. August a poa passende Musistückl dabeighobt und de Haufn Leit bestens unterhoitn...
Jo und de Lindn....
jeds Joa a bissl nu mea zaumgschniedn und nu a wengl weniger Blattl - owa in Lorenz wird do wos ma konn, dass des Juwel erhoitn bleibt.
Und de Leit donkn des, indems beim Lorenzifest olle umasitzn und auf de Lindn aufpassn. A wonn ma a poa Sonnenschirme braucht...
Wia gsogt, es woarn a Haufn Leit do, und do brauchts scho a poa Haggler a. Und i sog engs - de hobm se bemiat und do wos bei dea Hitz gonga is...
Do hobm a de Politiker net long auf sich woartn lossn...
Bundes- und Landespolitik
Ministerin Sophie Karmasin und LH Josef Pühringer
Landespolitik
Landtagsabgeordnete Michaela Langer-Weninger
und einer von vielen Lokalpolitikern
Bürgermeister Alois Daxinger aus Innerschwand
Oba am wichtigsten san ohne Zweifel die Einheimischen Leit: de Trachtler...
... und de vieln Musikanten!
Jo bei den Wongauern...
do woarn a poa nu gonz sche miad von Vortog Aufnocht! Oba nur goooonz seltn hots se des a oana o'kenna lossn...
Und scho goa ned de Hauptperson selber!
Da Schiema Peda hot gsogt: a wonn i poitan tua - i bi beim Lorenzifest do!
Na, des nenn i Einsatz - bravo sog i do!
Wos a sooo a cooole Sonnenbrün glei ausmocht...
Und no vü mehr Bürgermusiker hobm se des ongschaut oder bessa ongheart, wias an Peda so geht...
Da Peda hot gspüt wia oiwei: guad hoit!
Und nu dazua hobm de Wangauer a hübsche Verstärkung auf da Klarinettn ghobt:
Christina Ellmauer
Sogar Jungmusiker wurdn versucht anzuwerbn - aber---
... des hot net funktioniert. Wie auch!
Sogar der Kleinste konn jo scho dakenna, dass de Trompetn koa Flötn is!
Des miass ma an Hannes ge nu amoi sogn...
Trotzdem fanden wir den gonzn Tog einfach Spitze!
Mia san auf jedenfoi wieda do, wonn's 2016 hoaßt:
"De Sunn' scheint, a tachtigs Gwond und as Bier im Stoakriagl..."
Link: Lorenzifest 2014
Fotos:
August Schwertl - vielen lieben Dank!
Barbara Kallinger, Stefan Mayrhofer
Bericht:
Renate Mayrhofer